四年前，好多人覺得本土派被DQ抵死，到今日就調返轉，有人覺得四議員接受委任後被DQ係抵死，但我覺得去到呢刻，重點真係唔再係邊個抵死既問題。
當年見住梁游被香港人罵到唔停口，我覺得主因唔單止係缺乏民主派支援，甚至極無謂咁懷疑梁游係咪鬼，亦係因為欠缺有系統既文宣抗衡建制總動員。
結果呢四年來，「宣誓玩嘢自討苦吃」深入民心，大家捉鬼捉上腦，就算去到上年運動，即使黃絲圈子，都不時聽到呢類動搖軍心既無謂批評。
就算有人覺得政客呢刻食相真係難睇，未來幾星期我地都急需要一套抗衡藍絲動員的文宣工作，頂住全港鋪天蓋地肉酸得只識搖旗吶喊嘅愛國街站。
點解咁講？因為《香港01》已經話保皇黨準備「磨拳擦掌」，絕大部分社團都收到「總動員令」，今星期尾就會去全港各區擺街站收簽名。
為政治清算造勢，狂谷人大常委會決定，為政府所謂DQ違反基本法既議員做啦啦隊，鋪天蓋地既街站即將會出現架啦。
風水輪流轉，不如度下未來兩星期做咩好過，有時間可以睇下我上篇文「重點不在於四位被DQ議員是否錯判形勢，而政權為國安法立案例鋪起訴」，解釋點解大家都係可能殊途同歸：https://www.facebook.com/joshuawongchifung/posts/3498093890283094
Search